Máis traballo de verán

A pretempada do Compos segue a aumentar en canto ao traballo. A preparación branquiazul, que xa contaba con seis amigables, aumenta co calendario da Copa Deputación, que dará comezo neste mesmo mes de xullo pero na que a Esedé non aparecerá ata o mes de agosto. Un calendario, o da competición, que da comezo o 26 de xullo coa fase previa, onde se xogarán tres partidos, e que rematará cunha Final o 15 ou 16 de agosto con ata seis eliminatorias previas das que o Compos está exento de dúas. 

Ribeira ou Noia.

O que está claro é que o 2 de agosto, o Compos terá que saír para xogar lonxe de San Lázaro. Atlético Riveira e Noia comezarán o derradeiro domingo do mes, día que o Compos recibirá en Camporrapado ao Fabril, o torneo na busca dun billete que daría a oportunidade de enfrontarse á Esedé nos dezaseisavos de final recibindo ao noso equipo ese mesmo mércores no seu campo, xa que o Compos non xogará na casa ata, como mínimo, a semifinal. 

Ese primeiro partido, na primeira eliminatoria do torneo, será no campo do Atlético Riveira entre o equipo da Primeira Autonómica e o recén ascendido á Terceira División, onde se podería repetir o enfrontamento de pasar o Noia de rolda.

Polo bo camiño.

Os equipos da Segunda B e Terceira comezarán a súa andaina pola competición a mesma semana, o mesmo mércores. E posiblemente, o Compos podería ter un camiño máis doado do que tivo os últimos anos para chegar a unha nova Final dun torneo que gañou ata en dúas ocasións nos cinco últimos anos. 

Bergantiños sería o primeiro equipo de Terceira que se cruzaría no camiño santiagués, cun partido que se xogaría nos cuartos de final unha semana despois. Ademais, polo mesmo lado do cadro aparecen equipos coma Negreira e Boiro, que poderían enfrontarse en oitavos de final, e Dubra e Órdenes, que poderían facer o propio de superar aos seus rivais. 

Pola outra parte do cadro, Fabril, Cerceda, Silva, Racing de Ferrol e Somozas, entre outros, buscarán un oco na Final. 

Posible camiño ata a Final.
A partir de agora todo depende do que pase sobre o terreo de xogo. Non obstante, xa coñecemos o posible camiño ata a Final para os nosos, con partidos máis interesantes cada rolda que se vaia superando.
De superar ao gañador do Atlético Riveira-Noia, o Compos tería que visitar en oitavos de final ao gañador do Flavia/Bertamiráns-Tordoia/Arzúa, catro posibles rivais para un partido que sería o 6 de agosto, só un día despois do Triangular do Praíña, que hai uns días coñecimos que será ante Cerceda e Céltiga.
Os rivais posibles aumentan de cara aos cuartos de final, marcados para o 9 de abril. Dumbría/Outes/Xallas/Zas/Soneira-Fisterra/Sofán/Bergantiños, con enfrontamento na rolda previa en Dumbría e o Bergantiños tamén exento de xogar a primeira rolda, polo que chegaría coas mesmas forzas ca os nosos.
Xa en semifinais, a cousa ponse algo máis difícil. Nova fin de semana, domingo 13 de agosto, e o Compos tería que enfrontarse, con posibilidade de xogar en Santiago, ao gañador de catro eliminatorias, a un dos seguintes doce equipos posibles. Esclavitud/Unión/Puebla/Villestro/Negreira/Boiro-Val do Ulla/Sigüeiro/Maniños/Cedeira/Dubra/Órdenes.

Sen dúbida, podería ser unha boa proba importante para os nosos con dúas semanas de fútbol sen parar, xogando ata dous partidos cada fin de semana.